الكويت حاليا تحولت إلي مرقص سياسي ! أنا وحده مالي بالسياسه كلش و لا أفهم فيها ! و لكن عقب التق متاقق إلي صار حتى الرضع قاموا يفطنون بالسياسه !
يا أخي حرام إلي قاعد يصير في الديره .. شيعه سنه حضر بدو = بشر ! و بعدين كسرنا خربنا سبينا غلطنا شنو الإستفاده من الموضوع ؟
ناس قامت تدش المجلس عشان تشربنا خمور الله وكيلكم ! و ناس قامت تدش المجلس حق الفلوس ! يا أخي أبي واحد دش قال بعمر الكويت ؟ في واحد قال بشلع وزارة التربيه و أبدلها بناس أفضل للمنصب ؟ ( ياليت يعني يسوون لنا معروف ).. أنا مو قاعده أتكلم عن عضو معين أو قبيله أو عايله معينه ! كل عضو من سني شيعي حضري بدوي له سلبياته ! و الناس الله وكيلكم ما همهم فلان ملتزم نظيف راقي الفكر لأ ! كل همهم فلان من ربعنا ؟ يلا زين صوتوله ( فاهمين قصدي ) و يصوتون و جنه العيد ! يا أخي خافوا ربكم حراااااام بتودونه بستيين داهيه ! الله يسامح من صوت لجل معرفة شخصيه ولا عايله معينة أو قبيله معينه :)
صديقتي العزيزه مريم الفيلكاوي حابه إني أكتب عن العنصريه تقريبا المجلس و الإنتخابات فيها نوع من العنصريه ..
عزيزتي مريوم أكبر تحيه لج و إنشالله سعيده بعطلتج سلمي على أمج و فطوم :*
طبعا في كل بيت كويتي خدامه و نادر عايله كويتيه ما عندها خدامه على حسب الظروف طبعا ! إلي أستغرب منه يا الربع المعامله السيئه إلي تدور بين بعض الناس والخدم ! إنزين إنت ياللي شايف نفسك على الخادمه المسكينه أو السايق اللطيف تدري إنه ( لا يدخل الجنه من كان في قلبه مثقال ذرة من الكبر ) !!من قول الرسول عليه أفضل الصلاة و السلام ! ذره يا إبن الناس ذره !
تره حتى خدمنا عندهم مشاعر و شي يقتل لمن إيي ياهل يعايرج بشغلج ! عشان جذي لازم نعلم أطفالنا يحترمونهم ! حتى كلمة الخادمه نتحاشا نقولها جدامهم لأن شعور خايس لمن يسمونج الخدامه !
كم هو جميل وجود شخص في حياتك إن مر يوم دون محاكاته تظلم الدنيا و تغلق :( و تحس بملل و وتوله على خباله و ملاقته !
كم هو جميل اللون البنفسجي و الأزرق و الكحلي يا أخي ألوان لذيذه !
مع السلامه إستانسو باللي بقى بالعطله يايتلكم المصيبه العظمى المدرسه بالطريج :*
