بسم الله الرحمن الرحيم 

إقترحوا علي بعض من صديقاتي إني أكتب عن مدرستنا (( ثانوية مشرف للبنات )) أو بالأصح عن بنات المدرسه و طريقتهم ..إلخ


أخخخ مدرسة مشرف و ما أدراك ما مدرسة مشرف .. لو بكتب عن سوالفها ما راح نخلص ..! 
بكتب سالفه تضحك صارت في المدرسه قبل إسبوع تقريبا..
الناظره المعلمه الجباره أبله ساميه توفيقي و لها قصه بروحها عطتنا ساعه كامله فرصه عشان إجتماع أولياء الأمور ..
و إحنا قاعدين فجأه بعض من رفيحاتي ماخذين المسحات و لاحقين فيها بعض و طبعا أنا هالسوالف ما أطوفها و قعدنا نرش على بعض ماي و سوالف هيلق ( أعترف ) بس ماعليه إهيا مره بالعمر .. المهم وحده من رفيجاتي ( نجد ) يابت تب ماي من مادري وين بتكبه علي صعدت الدري و مسكت من طرف التب و إتفقنا إنكبه من فوق لكن نيتنا ما كانت شريره بس كنه بنكبه على الارض و فجأه يصير صراخ مادري من وين ولا أثاري كبينا على الخدامه ! هههه قصة طويله بس أبي أقولكم الموقف الطريف إلي سووه الخدم .. قعدت الخدامه تصرخ و تقول جملتها إلي إنشهرت (( جقاير في همام ! موبيال كلام في همام ! بنيه كله قاعدي سوه سوه في همام و ألهين مساحه كسر قولي شنو في بعد !! )) هههه مسكينه تأزمت نفسيا و سواو الخدم إضراب في الإدارة و إلي تقول بنيه زانطتني و أفلام هنديه و  في النهاية صادتنا الناظره بس الحمدالله طوفت لنا ..


في مدرستنا ألحين هابيليج تنحاشين و إذا الأبلة نادتج حقريها و إنحاشي منها ههههه ! 


بس للأسف على كل الوناسه و الضحك إلي قاعد يصير في المدرسه إلى إنه البنات مو على قلب واحد ! هذا الشي إلي كتشفته عادي على  موقف صغير أو سوء تفاهم يبدر منج ينسون كل شي و يبدون يترصدون حركاتج و يتعمدون يقطون حجي عليج عشان تتهاوشين معاهم و تبدي وكالة كونا المدرسية تشتغل و تنتشر الإشاعات عنج بس عشان ( سوء تفاهم ) ! عقلوا شويه لي متى هالطفوليه القبيحه إحنا خوات و هذي السنين إلي جمعتنا ما نبيعها عشان موقف موقفين شزينا أيام المتوسط .. أتمنى توصل وجة نظري ..


ماذا تخبأ لنا يا 2012 ؟
هل ستنتهي مشاكلنا السياسه في الكويت ؟ أم ستسوء حالتنا ؟ هل ستبدأ ثورة جديده ؟ أم سنكتفي بهذا القدر ؟
سقط حسني .. مات القذافي .. فهل سيسقط بشار الخبيث ؟ الله يكون في عونكم إخواننا المسلمين في سوريا ..
أخاف ؟ بل أموت رعبا من مستقبل قادم .. فلا أعلم ما الذي سيأتي ! سترحل 2011 و قد أتعبتنا كثير ! و فقدنا فيها كثيرا ! و دماء نسفت الكثير الكثير ! 
اليوم أبلة الإسلاميه قالت جملة حول القذافي و حسني مبارك ! 
قال تعالى بسم الله الرحمن الرحيم : (( قل اللهم مالك الملك تؤتي الملك من تشاء وتنزع الملك ممن تشاء و تعز من تشاء و تذل من تشاء بيدك الخير إنك على كل شيء قدير )) أل عمران ..
أية من القرآن الكريم هزت كياني ! فلننظر إلى معجزة حدثت للتو ! من كان يصدق أن ملك مصر سينتهي بالسجن ؟!
و من كان يصدق أن ملك ليبا سيموت و هو مصفوق (( بنعال )) أجلكم الله !! 
تفكروا فيها جيدا .. (( إن الله على كل شئ قدير )) !!


قبل يومين تقريبا توفت في مدرستنا طالبه إسمها ناديه عبدالحميد البالغه من العمر 17 سنه (( لا يفرق الموت بين كبير و صغير )) إثر مرض السرطان مثل ما سمعت ... على إني لم أكن على علاقة معها إلى أني تذكرتها فقد كانت معي في الصف السادس و السابع :(
يا رب إرحمها و إغفرلها و إرفع درجاتها في الجنه .. إدعولها محتاجه دعائكم :*